सर्लाही सम्बादाता: सर्लाही , आइतबार एक कार्यक्रमबीच नगरप्रमुख (भरत कुमार थापा)ले प्रहरीलाई शान्ति सुरक्षा बलियो राख्न मद्धत गर्ने उद्येश्यले नयाँ गाडि खरिद गरि सर्लाही प्रहरी प्रमुख एसपी प्रविण पोखरेललाई चाबी हस्तान्तरण गर्नुभएको नगरपालिका कार्यालयले जनाएको छ ।
प्रहरी प्रशासनलाई छिटो छरितो सेवा प्रवाहमा समस्याहरु रहेकाले, त्यस समस्या समाधानको लागि नगरको तर्फबाट सवारी उपलब्ध गराईएको मेयर थापाको भनाई छ।चावी हस्तान्तरण कार्यक्रमलाई सम्बोधन गर्दै नगरप्रमुख भरत थापाले नगरका सम्पुर्ण नागरिकको शान्ती सुरक्षामा सहज होस् भनेर नगरको तर्फबाट सवारीको ब्यवस्था गरिएको बताउनुभयो।
नगरपालिकाको तर्फबाट जिम्मेवारीबोध गर्दै नगरले प्रहरीलाई गाडीको ब्यवस्था गरेको भन्दै जिल्ला प्रहरीका प्रमुख पोखलले प्रशंसा समेत गर्नुभयो। यसरी नगरले उपलब्ध गराएको सवारीको प्रयोगले शान्ती सुरक्षा दुरुस्त राख्न मद्धत गर्ने उनको भनाई छ।
यसले प्रहरी संगठनलाई थप उच्च मनोवलका साथ काम कारवाही गर्न सहज हुने उनकोे अपेक्षा छ । सवारीको ब्यवस्था नहुँदा बागमतीस्थित कर्मैया प्रहरीलाई कुनै घटना वा दुर्घटना भईहाले पैदल नै घटनास्थल सम्म पुग्नु पर्ने बाध्यता रहदै आएको थियो ।
प्रतिक्रिया