सैफुल्ला राइन
खोज खोज खबर, जनकपुरधाम !
धनुषा, सबैला नगरपालिकाले ऐतिहासिक सफलता प्राप्त गर्दै नगर शिक्षकको नियुक्ति प्रक्रिया सम्पन्न गरेको छ। नगरपालिका स्तरमै पहिलो पटक भएको ठूलो संख्याको विज्ञापन (७२ जना) पश्चात ३२ जना योग्य शिक्षक विभिन्न विषयमा नियुक्त भएका छन्।
यस महत्वपूर्ण नियुक्ति प्रक्रियामा समर्पित भूमिका निर्वाह गर्ने सम्पूर्ण टिमलाई नगरपालिकाले विशेष धन्यवाद ज्ञापन गरेको छ। विशेषगरी नगर प्रमुख कारी राम यादव, वडा नं. ११ का वडा अध्यक्ष सरोज यादव, प्रशासकीय प्रमुख साबिर महतो, शिक्षा शाखा प्रमुख युबराज काफ्ले तथा सम्पूर्ण कार्यपालिका सदस्यहरूप्रति आभार व्यक्त गरिएको छ। साथै प्रत्यक्ष वा अप्रत्यक्ष रूपमा सहयोग गर्ने सबै महानुभावहरूलाई समेत धन्यवाद दिइएको छ।
नगरपालिकाका अनुसार बाँकी रहेका नगर शिक्षक कोटाहरूमा पनि चाँडै पुनः विज्ञापन गरी पदपूर्ति गरिने विश्वास व्यक्त गरिएको छ। यो नियुक्ति प्रक्रियाले सबैला नगरपालिकाको शिक्षा क्षेत्रलाई थप सबल र गुणस्तरीय बनाउने अपेक्षा गरिएको छ।
नगर प्रमुख कारी राम यादवका अनुसार, “स्थानीय स्तरमै शिक्षामा लगानी र संरचना मजबुत बनाउने हाम्रो दीर्घकालीन उद्देश्य हो। नगर शिक्षक नियुक्ति त्यसको महत्वपूर्ण पाइलो हो।”
यस प्रक्रियाले स्थानीय युवाहरूलाई रोजगारीका अवसर प्रदान गर्नुका साथै शिक्षाको गुणस्तर uplift गर्न ठूलो योगदान पुर्याउने विश्वास लिइएको छ।
प्रतिक्रिया