खोज तलास खबर, जनकपुरधाम !सिरहा – लहान नगरपालिका–२४ का मौजे साहको जीवन उनको श्रीमतीको अतुलनीय त्यागका कारण बच्न सफल भएको छ। लामो समयदेखि मिर्गौला रोगबाट पीडित मौजे साहलाई जीवनदान दिने कार्य उनकी श्रीमतीले आफ्नो एउटा मिर्गौला दान गरेर गरेकी हुन्।
डाक्टरहरूले दुवै मिर्गौलाले काम गर्न छाडेपछि मौजे साहलाई तत्काल मिर्गौला प्रत्यारोपण आवश्यक भएको बताएका थिए। यस्तो अवस्थामा, उनकी श्रीमतीले बिना हिच्किचाहट आफ्नो मिर्गौला दान गर्ने निर्णय लिइन्। चिकित्सकीय परीक्षणपछि मेल भएको देखिएपछि सफल प्रत्यारोपण सम्पन्न गरिएको अस्पताल स्रोतले जनाएको छ।
मिर्गौला प्रत्यारोपणपछि मौजे साहको स्वास्थ्य अवस्था सुधारोन्मुख रहेको छ। चिकित्सकहरूको अनुसार समयमै प्रत्यारोपण भएकाले उनको जीवन बचाउन सकिएको हो।
यो घटना एउटा उदाहरणीय प्रेरणा बनेको छ, जसले आपसी समर्पण, माया र परिवारको महत्त्वलाई उजागर गरेको छ।
प्रतिक्रिया