विद्यापति सडक मार्गको सहमती भेला सम्पन्न ।

सम्भु चौधरी भदाै

सिरहाको धनगढीमाईको छपराडी बजारदेखि नर्गी विद्यापति लोकमार्गको विस्तार भेला सहमतिका बीच सम्पन्न भएका छन् ।

धनगढीमाई नगरपालिकाको वडा नं १ बाखैर प्रावि विद्यालय परिसरमा वडा अध्यक्ष सुर्य नारायण यादवको अध्यक्षतामा आयोजित कार्यक्रममा करिब ३९० जना स्थानिय गाउँलेहरुको उपस्थितिमा पूर्व पश्चिम राजमार्गको अर्थात् महेन्द्र राजमार्गसँग मध्य हुलाकी राजमार्गसँग जोड्नका लागि मुख्य सडकको रूपमा रहेको छापराडी नर्गि सडक विस्तारको लागि सम्बन्धित मन्त्रालयको आदेश बमोजिम करिब सडकको दायाँ बायाँ ५० फिट विस्तारको नीति रहेतापनि स्थानिसंग ४० फिटको सडक विस्तार गर्ने सहमति भएको छ ।

कार्यक्रममा धनगढीमाई नगरपालिकाका प्रमुख शिवशंकर महतो, लक्ष्मीपुर गाउँपालिकाका प्रमुख चतुरानन्द ठाकुर समेत सहभागी भएको थियो ।

सडक विस्तारले पूर्व पश्चिम राजमार्गको पहुँचमा उत्तर दक्षिणको जनतालाई सहज हुने वडा अध्यक्ष सूर्यनारायण यादवले बताउनु भयाे । सडक विस्तार पछि स्थानिय छापराडी बजार नगरपालिकाको मुख्य भारतसँगको नाका हुनसक्ने कतिपयको बुझाई रहेको पाइन्छ ।