विनोद अधिकारी २३ भदौ
भरतपुर । नेपाल विद्यार्थी संघ वीरेन्द्र बहुमुखी क्याम्पस इकाइ समितीको आयोजनामा भएको रक्तदान कार्यक्रममा १०१ जनाले रक्तदान गरेका छन् । क्याम्पस परिसरमा सम्पन्न रक्तदान कार्यक्रममा २१ जना महिला र ८० जना पुरुष गरि १०१ जनाले रक्तदान गरेका हुन् ।
कार्यक्रमका विशिष्ट अतिथि एवम् काङ्ग्रेस चितवन जिल्ला सभापति राजेश्वर खनालले जिल्लामा रगतको अभाव हुँदै जादा रक्तदान जस्तो पुण्य कार्य गरेकोमा नेविसंघ वीरेन्द्र बहुमुखी क्याम्पस इकाइलाई आभार व्यक्त गर्नु भयो । रगत दान भन्दा ठुलो अरु दान हुन नसक्ने बताउँदै उहाले यस्ता सामाजिक कार्यमा आफु र पार्टीले सधैँ सहयोग गर्ने प्रतिबद्धता व्यक्त गर्नु भयो । कार्यक्रमका अध्यक्ष नेविसंघ वीरेन्द्र इकाइका सभापति कुमार जोशीले आफ्नो अमुल्य रगत दान गर्ने स्वयंसेवक, रक्तदाता लगायत अन्य सहयोगीहरुलाइ धन्यवाद दिनु भयो ।
कार्यक्रममा काङ्ग्रेस केन्द्रिय सदस्य श्याम कुमार घिमिरे, निर्वतमान जिल्ला सभापति जीतनारायण श्रेष्ठ, जिल्ला उपसभापति राजीव न्यौपाने, महाधिवेशन प्रतिनिधि निलकण्ठ रिजाल, क्याम्पस प्रमुख दयाराम पौडेल लगायतको अतिथिहरुको उपस्थिति रहेको थियो । भने कार्यक्रमलाई नेविसंघ बहुमुखी क्याम्पस इकाई समितिका सचीव प्रेम भट्टराईले सहजिकरण गर्नुभएको थियो ।
प्रतिक्रिया