युरोपियन च्याम्पियन्स लिग फुटबलको समूह ‘एफ’मा रियल मड्रिडले युक्रेनी क्लब सख्तर डोनेस्कसँग संघर्षपूर्ण बराबरी खेल्दा समूह ‘इ’ मा चेल्सीले भने एसी मिलानलाई २-० ले पराजित गरेकाे छ।
बराबरीपछि रियल दुई खेल बाँकी हुँदै नकआउटचरणमा प्रवेश गर्याे।
चेल्सीले भने आफ्नो समूहमा १० खेलाडीमा सीमित एसी मिलानलाई २-० ले पराजित गरेको हो। चेल्सीले पहिलो हाफमा गरेको २ गोल निर्णायक बनेको थियो।
चेल्सीका लागि जोर्गिन्होले पेनाल्टीमार्फत् २१औँ मिनेटमा पहिलो गोल गर्दा औबुमियाङले ३४औँ मिनेटमा दोस्रो गोल गरेका थिए। जितपछि चेल्सीले ४ खेलबाट ७ अंक जोडेको छ।
रियल भने जर्मन डिफेन्डर एन्टेनियो रुडिगरले इन्जुरी समयको अन्तिम मिनेटमा गोलका कारण हारबाट जोगिएको हो। रियलविरुद्ध घरेलु टोलीका लागि ओलेकसान्डर जुभकोभले ४६औँ मिनेटमा गोल गर्दै टिमलाई अग्रता दिलाएका थिए। बराबरीले गत संस्करणको विजेता रियल दुई खेल बाँकी छँदै यस सिजनको च्याम्पियन्स लिगको नकआउट चरणमा प्रवेश गर्न सफल भएको छ।
रियलले अब समूह चरणमा आरबी लाइप्जिग र सेल्टिकसँग खेल्न बाँकी छ। रियलको ४ खेलबाट १० अंक पुगेको छ।
समान खेलबाटै लाइप्जिग ६ अंक जोडेर दोस्रो स्थानमा उक्लँदा सख्तर ५ अंक जोडेर तेस्रो तथा १ अंक जोडेको सेल्टिक पुछारमा छ।
प्रतिक्रिया