महोत्तरीको भङ्गाहा नगरपालिका–८ पडरिया बस्तीमा बिहीबार भएको झडपको घटना छानबिनका सरकारले छानबिन समिति गठन गरेको छ।
शुक्रबारको गृहमन्त्रीस्तरीय निर्णयबाट गृह मन्त्रालयका सहसचिव शिवराम पोखरेलको संयोजकत्वमा पाँच सदस्यीय छानबिन समिति गठन गरिएको हो।
समितिका सदस्यहरूमा प्रहरी नायब महानिरीक्षक उमेशराज जोशी, सशस्त्र प्रहरी नायब महानिरीक्षक किशोर प्रधान, राष्ट्रिय अनुसन्धान विभागका सह–अनुसन्धान निर्देशक विष्णुमणि आचार्य र गृह मन्त्रालयका उपसचिव विश्वराज मरासेनी रहेका छन्। समितिलाई घटनाको सत्यतथ्य छानबिन गरी सात दिनभित्र प्रतिवेदन पेस गर्न निर्देशन दिइएको छ।
प्रतिक्रिया