सुरेश यादव,नवलपरासी
परासी सुचना तथा संचार सहकारी संस्था लिमिटेड द्वारा संचालित सामुदायिक रेडियाे परासी ९०.२ मेगाहर्जकाे आज १५ओैं साधारणसभा तथा वार्षिकोत्सब सम्पन्न भएकाे छ ।
सामुदायिक रेडियो परासीका अध्यक्ष सुमन गाेपाल आचार्यकाे अध्यक्षता तथा कार्यक्रममा बाेल्दै प्रमुख अतिथि रेडियाे परासीका सेयर सदस्य एवम् जिल्ला समन्वय समितिका प्रमुख भगवती प्रसाद यादव ( रुदल )ले रेडियाे परासीले जिल्लामा छिटाे छरितो सुचना तथा समाचार सबै सम्क्ष पुर्याउन गरेकाे र रेडियाेले गरेकाे प्रगति प्रति हार्दिक बधाई समेत दिनुभएकाे थियाे ।
सामुदायिक रेडियाे परासीकाे वि.सं २०६४ सालमा स्थापना गरि २०६५ साल जेष्ठ ३ गते बिहान ११ बजे आकासिए तर्ङ्गकाे प्रसारण भई साेहि वर्षको कार्तिक १७ गते तत्कालीन सभामुख सुवासचन्द्र नेम्वाङद्वारा उद्घाटन भई संचालन गरिएकाे थियाे । रेडियाे परासीकाे वार्षिकोत्सबकाे अवसरमा परासी बजारकाे विभिन्न चाेकमा सिमेन्टको ब्रिन्ची राखिएकाे रेडियाे परासीका प्रबन्धक मेघराज गाैतमले बताउनुभयो ।
साधारणसभा कार्यक्रममा रेडियाे परासीका सेयर सदस्य तथा नेपाली काङ्ग्रेसका केन्द्रीय सदस्य एवम् पश्चिम नवलपरासी क्षेत्र नं २ संघिय संसद पदका उमेदवार देवेन्द्रराज कंडेल,रेडियाेका सेयर सदस्य तथा राप्रपाका केन्द्रीय उपाध्यक्ष एवम् क्षेत्र नं २ संघिय संसद पदका उमेदवार ध्रुव बहादुर प्रधान,रेडियाेका सेयर सदस्य तथा नेकपा एमालेकाे तर्फबाट क्षेत्र नं २ क प्रदेश सभा सदस्य पदका उमेदवार थान प्रसाद गैरे लगाएतले आ-आफ्नो मन्तव्य राख्नुभएको थियाे भने कार्यक्रमकाे संचालन रेडियाे परासीका सह-सचिव ताेरेन्द्र जिसीले गर्नुभएकाे थियाे ।
प्रतिक्रिया