९ मंसिर
नेकपा एमालेका अध्यक्ष केपी शर्मा ओलीले अहिलेको मत परिणामले देश अस्थिरता तर्फ जाने खतरा बढेको अभिव्यक्ती दिएका छन ।
विजयी भएपछि निर्वाचित भएको प्रमाणपत्र लिन गृह जिल्ला झापा पुगेका अध्यक्ष ओलीले बिहीवार यस्तो अभिव्यक्ति दिएका थिए ।
उनले भने, ‘यो पाँच वर्षका लागि मात्र होइन, देश उकालो लाग्यो भने त्यो सहज हुन्छ। ओरालो लाग्यो भने त्यो थाम्न गाह्रो हुन्छ ।’
‘हामीले नेपालमा स्थायीत्व र स्थिरता खोजेका थियौँ, तर अब मिलीजुली सरकार बनाउने कसरततिर दलहरू लाग्नुपर्ने भयो। सुरुदेखि नै मोलतोल र भागबन्डाको खेल हुने भयो ।’
ओलीले थप भने, ‘अब सरकार बनाउन गाह्रो, बनाए पछि टिकाउन झन् गाह्रो हुने भयो । मिलीजुली सरकार बनाउने तिर देश गयो । हरेक सांसदको भाउ बढ्यो ।’
उनले अब देश अस्थिरता तर्फ जाने खतरा निर्वाचन परिणामले देखाएको दाबी गरे ।
प्रतिक्रिया