चितवन २ को विद्युतसम्बन्धी समस्या लिएर प्राधिकरण पुगे रवि

राष्ट्रिय स्वतन्त्र पार्टीका अध्यक्ष रवि लामिछानेले बिद्युत प्राधिकरणका कार्यकारी निर्देशक कुलमान घिसिङसँग भेटवार्ता गरेका छन्।

चितवनको निर्वाचन क्षेत्र नम्बर २ बाट प्रतिनिधिसभा सदस्यमा निर्वाचित लामिछानेले सोमबार घिसिङसँग भेटवार्ता गरेको हुन् ।भेटवार्तामा चितवनको ईच्छाकामना गाउँपालिकाको २,३,४,५,६ र ७ वडाका बिद्युत नपुगेको विषयमा रविले जिज्ञासा राखेका थिए । जवाफमा घिसिङले उक्त क्षेत्रमा यहि महिना भित्र क्रमश टेन्डर आव्हान गरि बिद्युत लाईन बिस्तार हुने बताएका लामिछानेले सामाजिक सञ्जाल मार्फत जानकारी दिएका छन् ।

त्यस्तै आज नै लामिछानेले कृषि सामाग्रि कम्पनी लिमिटेड पुगेर मल आयातको अवस्था , भण्डारण र वितरणको अवस्थाबारे पनि जानकारी लिएका छन् ।

यस्तो छ लामिछानेकाे स्टाटस:

भोट खसाले पछि जनताको काम सकिन्छ र जनप्रतिनिधिकोको काम शुरु हुन्छ। हामीले बुझेको राजनीति यही नै हो।

केही जानकारी बुँदागत रूपमा गराउन चाहन्छु।

१. मेरो निर्वाचन क्षेत्र चितवन( २ को ईच्छाकामना गाउँपालिकाको २,३,४,५,६ र ७ वडाका बिद्युत नपुगेका स्थानमा यहि महिना भित्र क्रमश टेन्डर आव्हान गरि बिद्युत लाईन बिस्तार हुने भएको छ । आज बिद्युत प्रधिकरणका कार्यकारि निर्देशक कुलमान घिसिङ ज्यु सँग तत्काल बिद्युत लाईन बिस्तार गर्न छ्लफल भएको छ । अब छिटोभन्दा छिटो मेरो निर्वाचन क्षेत्रका नागरिकले टुकि बाल्नु पर्ने अवस्थाको अन्त्य हुनेछ ।

२. चितवनका किसानले वर्षौ देखि भोगेको रासायनिक मलको अभाब अन्त्यका लागि आज कृषि सामाग्रि कम्पनी लिमिटेड पुगेर मल आयातको अवस्था , भण्डारण र वितरणको अवस्था निरिक्षण गरेको छु । दुबै भेटघाट निकै फलदायी बनेका छन् ।

३. कालिका नगरपालिकाको बिद्युत नपुगेको पहाडी भेगमा पनि अब तत्काल बिद्युत बिस्तार हुने छ ।

४. केन्द्रिय राजनीतिको हालको परिस्थितिलाई हामी नजिकबाट नियाली रहेका छौं। निर्वाचनको पुर्ण नतिजा आए पछि निर्णयमा पुग्छौं। हामीलाई जनताले के गर्न भनेर भोट दिएका हुन् भन्ने हेक्का हामीलाई छ, धैर्य गरौ।