नेपाली मुलकी परिजिता बास्तोला गायन रियालिटी शो ‘द भ्वाइस’को अमेरिकी संस्करणबाट बाहिरिएकी छिन्।
बुधवार बिहान टप ८ को प्रतिस्पर्धाबाट परिजितासहित तीन जना प्रतियोगीहरु आउट भएकी हुन्। परिजिताले सेमिफाइनलसम्म उत्कृष्ट प्रस्तुति दिएता पनि कम भोटका कारण उनी फिनालेसम्म पुग्न सकिनन्। कम भोट ल्याउने चारजना प्रतियोगीलाई जजले ‘इन्स्ट्यान्ट सेभ’को लागि गीत गाउन आग्रह गरेकी थिईन।
कोच जोन लिजेन्डको समूहबाट प्रतिस्पर्धामा रहेकी परिजिता कम भोटका कारण छनोट भइनन्। ‘इन्स्ट्यानट सेभ’ बाट ओमार जोस कार्डोनाले अन्तिम पाँचमा प्रवेश गरे। अब ओमारसहित मोर्गन माइल्ज, ब्रीस लेदरउड, ब्राइडन लेप र बर्डी फिनालेमा भिड्नेछन्।
प्रतिक्रिया