विश्वकप २०२२ को उपाधि अर्जेन्टिनाले जितेको छ ।
फ्रान्सलाई पेनाल्टी सुटआउटमा पराजित गर्दै अर्जेन्टिना विश्व च्याम्पियन बनेको हो । फाइनल खेलको अतिरिक्त समयमा बराबरीमा गएपछि भएको पेनाल्टी शुटआउटमा ४–२ को अन्तरले अर्जेन्टिनाले उपाधि जितेको हो ।
अतिरिक्त समयको ११८ औँ मिनेटमा केलियन एमबाप्पेले तेस्रो गोल गरेर फ्रान्सलाई ३–३ बराबरीमा लगेका थिए । उनले फाइनल खेलमा ह्याट्रिक पूरा गरेका छन् ।
यसअघि, खेलको १०९ औँ मिनेटमा लियोनल मेस्सीले गोल गरेर अर्जेन्टिनालाई ३–२ अग्रता दिलाएका थिए । खेलको पुरा समयमा फ्रान्स र अर्जेन्टिनाले २–२ को बराबरीमा खेलेपछि खेल अतिरिक्त समयमा गएको हो ।
प्रतिक्रिया