नतिजा जे सुकै होस्, आँसु त पक्कै आउँथ्यो ।
तर आइतबार बेलुकाको विश्व कप फाइनलमा तीन घण्टाको रोलर कोस्टर राइडपछि अर्जेन्टिनाले पेनाल्टि किकमार्फत् उपाधि जित्दा धेरैको आँखामा खुसीको आँसु आयो ।
अर्जेन्टिनाको राष्ट्रिय फुटबल टोली ला अल्बिसेलेस्टेले फ्रान्सलाई हराउने बित्तिकै हज्जारौँ प्रशंसक यस राजधानीको सडकमा उत्रिएका थिए । त्यहाँ एक किसिमको जनसागर नै थियो । यो जनसागर ब्युनोस आयर्सस्थित ओबेलिस्कमा जम्मा भएको थियो ।
ग्रीष्मको प्रारम्भिक उत्सवका लागि यो एक भावनात्मक सुरुवात थियो – हर्न बजाउँदै, अपरिचितलाई अँगालो हाल्दै र हो, रुँदै ।
उनीहरु अर्जेन्टिनाको जर्सी विशेषगरी लियोनेल मेस्सीले लगाउने १० नम्बरको जर्सीमा सजिएका थिए ।
प्रतिक्रिया