खोज तलास खबर, जनकपुरधाम ! पर्सा जिल्ला, जिराभवानी गाउँपालिका वार्ड नं. ०२, सेंदण निवासी जुठन राम चमारका नाति तथा रामाकृत्य राम चमारका ३२ वर्षीय छोरा राज किशोर राम चमार आफ्नो परिवारको जिम्मेवारी र केही सपनाहरू लिएर विगत एक वर्ष आठ महिना अघि रोजगारीका लागि मलेसिया पेनाङ्ग राज्यमा कामको लागि पुगेका थिए। उनी त्यहाँ HBT Force नामक कम्पनीमा Security Guard को रूपमा कार्यरत थिए।तर विडम्बनावश, विगत साढे तीन महिनादेखि कम्पनीले काम नदिने, न त खानाको व्यवस्था गर्ने, न त ८ घन्टाको न्यूनतम ज्याला नै दिने अवस्थामा राखी मानवाधिकार विपरीत व्यवहार गर्दै आएको थियो। यस्तो अन्यायपूर्ण अवस्थामा राज किशोर दिनप्रतिदिन मानसिक र शारीरिक रूपमा नाजुक हुँदै समाजसेवी रामकिशोर महराले बताए।
न्यायको आशामा उनले मलेसियामा रहेका विभिन्न संघसंस्था तथा व्यक्तिहरूलाई गुहार गरे, तर दुखद कुरा, कसैले पनि उनको पीडा सुनेन। परिस्थितिले उनलाई अवैध तरिकाले काम गर्ने निर्णयतर्फ उन्मुख गराउँदै थियो। पछी समाजसेबी रामकिशोर महरा संग सम्पर्क गरे। उहाँ भावुक हुँदै आफ्नो सम्पूर्ण अवस्था सुनाउँदा म निकै मर्माहित भएँ। भोलिपल्ट नै उहाँसँग प्रत्यक्ष भेट भयो। तत्कालै उहाँलाई खान र बस्ने व्यवस्था मिलाएँ र वहाँको साथीलाई जिम्मेवारी दिएँ। त्यसपछि मलेसियास्थित नेपाली राजदूतावाससँग सम्पर्क गर्दै उहाँको पीडा बारेमा अवगत गराएँ।
महराको अथक प्रयास र राजदूतावासको समन्वयमा पिडित राज किशोर राम चमारको साढे तीन महिनाको बक्यौता तलब दिलाइयो, साथै घर फर्कनका लागि प्लेन टिकटको व्यवस्था गरियो। मे २ तारिख, himalayan Airlines मार्फत उहाँलाई नेपाल फर्काउन सफल भयो।नेपाली दूतावास मलेशियाको जय प्रकाशले भरपुर सहयोग गरेको छ। यस कार्यमा असली अभिभाबकको भुमिका निभाएको दूतावासलाई विशेष धन्यवाद भन्न चाहन्छौं।आफनो डुटीसंग संगै समस्यामा रहेको पिडित रामको उद्घारमा समाजसेवी रामकिशोर महरा लगायत प्रत्यक्ष,अप्रत्यक्ष सहयोग पुर्याउनु हुने नेपाली राजदुतावासका कर्मचारीहरुलाई पिडित रामले धन्यवाद ज्ञापन गरेका छन्।
यो कथा विदेशमा शोषणमा परेका नेपाली श्रमिकहरूको वास्तविकतालाई उजागर गर्छ। साथै, यदि सही समयमा सहकार्य र मानवीय संवेदना देखाउन सकियो भने, पीडामा परेकाहरूको जीवन फेरिन सक्छ भन्ने उदाहरण पनि हो।
प्रतिक्रिया